“Sülh sazişinin bağlanmamasını cəbhədə vəziyyətin gərgin olması ilə əlaqələndirirlər. Hazırki proseslər sülh sazişinin bağlanmaması üçün yazılan ssenaridir”.
Bunu erməni təxribatlarının pərdə-arxasından danışan hərbi ekspert Elxan Şıxəliyev Busaat.az-a açıqlamasında deyib.
O bildirib ki, Ermənistan öz xislətinə sadiq qalaraq atəşkəsi pozub. Atəşkəsin pozulması isə münasibətlərin hər zaman böyük çaplı konfliktə çevrilməsi ehtimalını yaradır:
“Ermənistanın hazırda atəşkəsi pozmasının arxasında niyyəti var. Yaxın zamanda Ermənistan-Azərbaycan liderlərinin görüşü planlanırdı. Ermənilər hər zaman yüksək səviyyəli görüşlər öncəsi belə təxribatlar yaradıb. Sülh sazişinin bağlanmamasını isə cəbhədə vəziyyətin gərgin olması ilə əlaqələndirirlər. Hazırki proseslər sülh sazişinin bağlanmaması üçün yazılan ssenaridir”.
“Sülh sazişi yoxdursa kiçik çaplı atəşkəsin pozulması halları hər zaman baş verəcək. Ermənilər atəşkəsi pozaraq təxribatların törədilməsinə Azərbaycanın göz yummayacağını anlamalıdır. “Qisas”, “Fərrux” əməliyyatlarını yadlarına salaraq öz hərəkətlərinə düzəliş etməlidirlər”, – ekspert əlavə edib.
Ələsgər
