Hələlik Ermənistan-Azərbaycan sülh müqaviləsi yoxdur - Rusiya prezidenti

“İrəvanla Bakı arasında hələlik sülh müqaviləsi yoxdur”.

Busaat.az xəbər verir ki, bu sözləri Rusiya prezidenti Vladimir Putin Rusiyanın Soçi şəhərində Ermənistanın Baş naziri və Azərbaycan prezidenti ilə görüşündən sonra keçirilən mətbuat konfransında deyib.

“Burada sülh müqaviləsinin əsas komponentləri haqqında danışmaq tezdir. Ən mühüm məsələ Ermənistan-Azərbaycan sərhədinin delimitasiyası və demarkasiyasıdır. Bu gün biz həqiqətən də bu barədə çox danışdıq və bəzi ilkin şərtlər var ki, ümumiyyətlə, yol tapılıb. Əgər bugünkü bəyanatı diqqətlə oxusanız, orada ilkin razılaşmalar olmasa da, ilkin şərtləri tapa bilərsiniz. Bu haqda çox danışdıq. Biz keçmiş Sovet ordusu baş qərargahının xəritələrini verməyə hazırıq, onlar bizim başa düşdüyümüz kimi ən dəqiq xəritələrdir və biz də bu əsasda irəliləmək – hər iki tərəflə müzakirə etməyə hazırıq. Görüşdə hansı məqamların razılaşdırılmadığına gəlincə, buna diqqət yetirməyə ehtiyac yoxdur.Bu barədə danışmaq olarmı? Mümkündür, amma lazım deyil, çünki indiyə qədər onlar həll olunmayıbsa, mənim fikrimcə, onlara diqqət yetirməyə ehtiyac yoxdur, sadəcə olaraq, sakit şəkildə razılığa gəlmək lazımdır” – deyə, Putin bildirib.

Busaat.az