Girovların azad edilməsi ilə bağlı HƏMAS ilə danışıqlar yanacaq tədarükündən imtinaya görə uğursuzluqla nəticələnib.
Busaat.az xəbər verir ki, bu barədə “The Wall Street Journal” öz mənbələrinə istinadən məlumat yayıb.
Həmas, İsrail, Qətər və Misir davamlı humanitar yardım axını müqabilində 50 nəfərin mümkün sərbəst buraxılmasını müzakirə ediblər. Danışıqlar zamanı ciddi irəliləyiş əldə edilib, lakin İsrail Misir sərhədindən Fələstinə yanacaq verilməsinə icazə verməyib.
Nəşr bildirir ki, İsrail hakimiyyəti yalnız bütün girovlar azad edildikdən sonra yanacağın daşınmasına icazə verəcəklərini açıqlayıb. İsrail yanacağın HƏMAS-ın əlinə keçəcəyindən və yaraqlıların ondan hərbi məqsədlər üçün istifadə edəcəyindən narahatdır.
Pəri Əlizadə,
Busaat.az
