HƏMAS ilə müharibə aylarla davam edə bilər - Benni Qantz

HƏMAS-la müharibə aylarla davam edə bilər.

Busaat.az “Times of Israel”ə istinadən xəbər verir ki, bu barədə İsrailin sabiq müdafiə naziri Benni Qantz deyib.

Qantz döyüşlər zamanı həlak olan İsrailin Cənub Dairəsində Şaar HaNegev regional şurasının rəhbəri Ofir Libşteynin dəfn mərasimində çıxış edib.

“Bu, çox vaxt aparacaq. Cənubda, lazım gələrsə, şimalda və ya başqa yerlərdə müharibə aylar, yenidənqurma isə illər çəkə bilər. Yalnız yenidənqurma başa çatdıqdan sonra biz qalib gələcəyik”, – sabiq nazir bildirib.

Onun sözlərinə görə, İsrailin məqsədi təkcə HƏMAS-ı məğlub etmək deyil, həm də “cənubun 100 faiz cənnətə çevriləcəyini” vəd etməkdir.

Natiq Kərimli,
Busaat.az