Azərbaycan Prezidenti İlham Əliyevin Rusiya Prezidenti Vladimir Putinlə telefon danışığı olub.
Busaat.az TASS-a istinadən xəbər verir ki, bu barədə Kremlin mətbuat xidməti məlumat yayıb.
Dövlət başçıları Qarabağ ətrafında vəziyyəti müzakirə ediblər.
mazda.az
Daha ətraflı
“Rusiya Prezidenti Vladimir Putinlə Azərbaycan Prezidenti İlham Əliyevin telefon danışığı oldu. 9 noyabr 2020-ci il və 11 yanvar 2021-ci il bəyanatlarına uyğun olaraq regionda təhlükəsizliyin və sabitliyin təmin olunması üçün praktik vəzifələrin həlli xüsusi vurğulanaraq Dağlıq Qarabağ ətrafında vəziyyət müzakirə olundu”, – deyə Kremlin məlumatında bildirilir.
Putinlə Əliyev, həmçinin, ikitərəfli gündəliyin əsas məsələləri barədə də fikir mübadiləsi aparıblar. İ.Əliyev Rusiya vaksininin tədarükünə görə V.Putinə səmimi təşəkkürünü bildirib.
Qeyd olunur ki, liderlər bütün sahələrdə qarşılıqlı faydalı əməkdaşlığın dərinləşdirilməsində maraqlı olduqlarını vurğulayıblar:
“Hökumət, müvafiq nazirliklər və idarələr arasında sıx əlaqələr də bu istiqamətdə yönəldiləcək”.
