"İran ABŞ-ın tələblərinə yalnız bu halda baxacaq" - Xamenei

İranın ali dini lideri Ayətullah Əli Xamenei ABŞ-ın Tehrandakı səfirliyinin ələ keçirildiyi günü qeyd etmək üçün iranlı tələbələr qarşısında çıxışı zamanı deyib ki, İran ABŞ-ın əməkdaşlıq tələblərini yalnız İsraili dəstəkləməkdən və Yaxın Şərqin daxili işlərinə qarışmaqdan əl çəkəcəyi təqdirdə nəzərdən keçirəcək.

Busaat.az xəbər verir ki, bu barədə “İrna” məlumat yayıb.

“İran və ABŞ arasında mövcud ziddiyyətlər iki ölkə arasında fundamental maraqların toqquşmasıdır. ABŞ-ın İslam Respublikası ilə qarşılıqlı fəaliyyətə başlamaq xahişlərinə İran yaxın gələcəkdə deyil, gələcəkdə nə vaxtsa, Vaşinqton İsraili dəstəkləməyi tamamilə dayandırdığı zaman baxılacaq. O, Yaxın Şərqdəki hərbi bazalarını bağlayacaq və bir daha region ölkələrinin daxili işlərinə qarışmayacaq”, – deyə Xamnei qeyd edib.

Yeganə