İran bu səbəbdən erməniləri maliyyələşdirib təxribat törədir - ŞƏRH

“İran özünü unutdurmaq üçün Cənubi Qafqaz regionunda münaqişə yaratmaq niyyətindədir”.

Bunu son erməni təxribatlarında İran əlinin olması ehtimalından danışan politoloq Ramiz Alıyev Busaat.az-a açıqlamasında deyib.

O bildirib ki, Ermənistanın son təxribatlarında İranın əlinin olduğu dəqiqdir:

“İran özünü unutdurmaq üçün Cənubi Qafqaz regionunda münaqişə yaratmaq niyyətindədir. Məqsəd isə dünyanın fikrinin yayınmasından istifadə edərək atom silahını tamamlamağa çalışmaq, atom stansiyaları tikmək və terror qruplaşmaları yaratmaqdır. Bunun üçün də erməni birləşmələrini maliyyələşdirərək təxribatlar törədir. Aparılan müşahidələrdə də ermənilərin İran silah-sursatından istifadə etdiyi görülüb”.

“Cənubi Qafqazda sülh istəməyən qüvvələr var. Əgər Ermənistan Azərbaycanla sülh müqaviləsini imzalasa, regionda əmin-amanlıq olsa, maraqları pozulacaq olan ölkələr var. Lakin anlamırlar ki, Zəngəzur dəhlizi açılsa elə ən çox faydanı həmin ölkələr görəcək. Mərkəzi Asiya ölkələri, Çin, Rusiya, Gürcüstan, İran, Ermənistan və digərləri Zəngəzur dəhlizindən yararlana bilər. Gürcüstanı 20 il əvvəl ilə müqayisə etsək Azərbaycanın neft-qaz kəmərlərinin sayəsində nə qədər inkişaf etdiyini görərik. Bunu Ermənistan da bilir. Lakin ölkəni özləri idarə edə bilmədiyi üçün kənar qüvvələr nə desə onu da edirlər”, – politoloq əlavə edib.

Ələsgər / Busaat.az