“İranın region üçün təhlükə yaratdığı çox aydındır”.
Busaat.az xəbər verir ki, bu barədə ABŞ Dövlət Departamentinin sözçüsü Ned Prays mətbuat konfransında sualları cavablandırıb:
“İran Azərbaycan kimi qonşu ölkələrə qarşı ritorikasını gücləndirir. Onlar son vaxtlar Bakını hədələyirlər. Azərbaycanı İran ərazisində hansısa terror aktı törətməkdə ittiham edən bəzi bəyanatlar da hazırlanıb”.
“İranın qonşu ölkələrə qarşı ritorikasını davam etdirəcəyi təqdirdə ABŞ həmin qonşu ölkələri müdafiə edə biləcəkmi?” sualına Ned Prays bu şəkildə cavab verib:
“Bizim bu həftənin əvvəlində azərbaycanlı həmkarları görmək imkanımız olub. İranın region üçün açıq təhlükə olduğunu bildirdik. Biz tərəfdaşlarımızın yanında olmağa, onları dəstəkləməyə və nəticədə İranın regionda və bəlkə də regiondan kənarda həyata keçirdiyi təcavüzkar siyasətə qarşı tədbirlər görməyə davam edəcəyik”.
Busaat.az
