İranın Buşehr ostanının Bəndər Genave şəhərində 5.2 bal gücündə zəlzələ olub.
Busaat.az “İRNA”ya istinadən xəbər verir ki, Tehran Universiteti Geofizika İnstitutunun Seysmoloji Mərkəzinin məlumatına görə, zəlzələ yerli vaxtla saat 16:22-də baş verib.
Yeraltı təkanların episentri 8 kilometr dərinlikdə yerləşib.
İtki və dağıntılar barədə məlumat verilməyib.
Xatırladaq ki, mayın 17-si İranın Şimali Xorasan ostanının Sənxast şəhərində qeydə alınan 5.5 bal gücündə zəlzələ nəticəsində bir neçə nəfər yaralanmışdı.