İranın erməni sevgisi:  İran şirkətləri İrəvanda

Dünən İranın Ermənistandakı səfiri Mehdi Sübhani İrəvana səfər edən 15 biliyə əsaslanan İran şirkətindən ibarət “Sepanta Health” Korporasiyasının nümayəndə heyəti ilə bir araya gəlib. Busaat.az xəbər verir ki, bu barədə İranın Ermənistandakı səfirliyinin “Telegram” kanalı xəbər verir.
Məlumata görə, İranın əczaçılıq və tibbi avadanlıqlar sahəsində 15 bilik və texnologiya şirkətini özündə birləşdirən şirkətin nümayəndə heyəti İrəvana səfər çərçivəsində bir sıra tədbirlər həyata keçirib, Ermənistan Ticarət Palatasında iki şirkət arasında satış aparmaq məqsədi ilə görüş keçirib.
Bildirilib ki, nümayəndə heyəti eləcə də erməni iş adamları ilə toplantı təşkil edib, eyni zamanda, Ermənistan Səhiyyə Nazirliyinin rəsmiləri ilə bir araya gələrək, xəstəxana və tibb mərkəzlərinə baş çəkib.
Qeyd olunub ki, “Enterprise Armenia” təşkilatının rəsmiləri ilə də iclas keçirilib. Səfərin sonunda nümayəndə heyətinin üzvləri İranın İrəvandakı səfiri Mehdi Sübhaniyə səfərin yekunlarına dair məlumat verib və onunla müzakirə aparıb.