
"İşğalçıların dövlətimizə etdiklərini görəndə ürəyim parçalanır" - Zelenski
Ötən gün ərzində 60 mindən çox vətəndaşımız xilas edilərək Ukraynanın azad ərazisinə aparılıb.
Busaat.az UNİAN-a istinadən xəbər verir ki, bunu Ukrayna Prezidenti Vladimir Zelenski müraciətində deyib.
“Dünən ölkənin azad ərazisinə aparılan insanlarla bağlı hər saat yenilənən məlumat daxil olub. Ümumilikdə gün ərzində 60 mindən çox insan xilas olub” .
Prezident vurğulayıb ki, bu gün biz şəhərlərimizə humanitar dəhlizlər veririk avtobuslar və yük maşınları ərzaq, su digər dərmanlarla – Mariupol, Volnovaxa, İzyum, Sumı və digər şəhər, qəsəbələrə yola düşüb.
“İşğalçıların şəhərlərimizə, dövlətimizə etdiklərindən ürəyim parçalanır. Rusiya qoşunları artıq Ukraynada humanitar fəlakət yaradıblar, lakin bu, onun bir hissəsidir. Onlar bizim xalqımızı alçaltmaq istəyirlər ki, diz çökərək işğalçıların əlindən çörək və su alsınlar ki, ukraynalılar yalnız işğal olunmuş ərazilərə və ya Rusiyaya getməklə canlarını qurtarsınlar”, – Zelenski vurğulayıb.
Buna görə də Mariupol, Volnovaxa və digər şəhərləri bağlayırlar. O əlavə edib ki, işğalçılar öz təbliğat kanallarına yeni materiallar vermək üçün bu istehzanı qəsdən təşkil edirlər.























