İslandiyada qadınlar qeyri-bərabər maaşlara etiraz olaraq tətilə başladılar

İslandiyada məktəblər, mağazalar, banklar və məşhur üzgüçülük hovuzları bağlanıb.

Busaat.az xəbər verir ki, bu, qadınların qeyri-bərabər maaş və gender əsaslı zorakılığa son qoyulması tələbi ilə tətil keçirməsi ilə bağlıdır.

Bu gün səhər tezdən İslandiya bütün ölkədə müəssisələrin bağlandığını elan edib. Tətilin əsas təşkilatçıları olan həmkarlar ittifaqları qadınları ev də daxil olmaqla ödənişli və ödənişsiz işlərdən əl çəkməyə çağırıb. Ölkə işçilərinin təxminən 90%-i həmkarlar ittifaqlarının üzvüdür.

Qeyd edək ki, İslandiyanın Baş naziri Katrin Yakobsdottir tətilin bir hissəsi olaraq evdə qalacağını və kabinetindəki digər qadınların da eyni şeyi edəcəyini gözlədiyini bildirib.

Natiq Kərimli,
Busaat.az