ABŞ-ın Yaxın Şərqə əlavə hava hücumundan müdafiə vasitələri ötürməsi üçün İsrail Qəzzaya quru əməliyyatını təxirə salmağa razılaşıb.
Busaat.az xəbər verir ki, bu barədə The Wall Street Journal öz mənbələrinə istinadən məlumat yayıb.
Qəzet bildirir ki, Vaşinqton İraq, Suriya, Küveyt, İordaniya, Səudiyyə Ərəbistanı və BƏƏ-dəki ABŞ əsgərlərini qorumaq üçün Yaxın Şərqə onlarla hava hücumundan müdafiə sistemi yerləşdirmək niyyətindədir. İsrail ABŞ-ın sistemləri yerləşənə qədər gözləməyə razılaşıb.
Qəzet qeyd edib ki, İsrail Qəzza zolağında daha çox girovu azad etmək üçün diplomatik səyləri planlaşdırarkən humanitar aspekti də nəzərə alır. Vaşinqton İsrailin quru əməliyyatına başladıqdan sonra ABŞ Silahlı Qüvvələrinin bölgədəki müxtəlif silahlı qrupların hücumlarına məruz qalacağından narahatdır.
Qeyd edək ki, ötən həftə ABŞ-ın İraq və Suriyadakı bazalarına pilotsuz təyyarələrin hücumu nəticəsində 20-dən çox ABŞ hərbçisinin yaralanıb.
Natiq Kərimli,
Busaat.az
