Kiyev Aİ-nin makromaliyyə yardımının 9-cu tranşını aldı

Kiyev Aİ-nin 1,5 milyard avro məbləğində makromaliyyə yardımının doqquzuncu tranşını alıb.

Busaat.az xəbər verir ki, bu barədə Ukraynanın baş naziri Denis Şmıqal deyib.

“Ümumilikdə, 2023-cü ildə Aİ-nin büdcə dəstəyi artıq 15 milyard avro təşkil edir, bu, Ukraynanın iqtisadi cəhətdən güclü və sabit olmasına kömək edən ən mühüm amillərdən biridir”, – o Telegram-da yazıb.

Eyni zamanda, Şmiqal qeyd edib ki, Ukrayna hakimiyyəti Avropa Komissiyası tərəfindən ümumi həcmi 50 milyard avro olan uzunmüddətli “Ukrayna” proqramının hazırlanmasında iştirak edir. “Gələn il onlardan 18 milyard avro alacağımızı gözləyirik”, o əlavə edib. Şmiqal həmçinin avropalılara “Ukrayna ilə sarsılmaz həmrəyliklərinə görə” təşəkkür edib.

Natiq Kərimli,
Busaat.az