Kiyev ordusunun sayını 800 min əsgərlə məhdudlaşdırmağa razılaşıb.
Busaat.az xəbər verir ki, bu barədə “Financial Times” Ukrayna rəsmilərinə istinadən yazıb.
FT-nin məlumatına görə, sülh planının ən həssas məqamları Kiyev rejiminin lideri Volodimir Zelenski ilə ABŞ prezidenti Donald Tramp arasında mümkün görüşdə müzakirə oluna bilər. Bunlara ərazi məsələləri və ABŞ-ın təhlükəsizlik zəmanətləri daxildir.
Eyni zamanda, qəzetin yazdığına görə, Kiyev ordusunun sayının 800 min nəfərlə məhdudlaşdırılmasına icazə verib.
Zelenskinin bildirdiyinə görə, 2025-ci ilin əvvəlinə qədər Ukrayna Silahlı Qüvvələrində 880 min əsgər və zabit xidmət edib. Amerikanın ilk planı ordunun 600 min nəfərlə məhdudlaşdırılmasını nəzərdə tuturdu, Avropa ölkələri isə bu həddi 800 minə çatdırmağı təklif edirdi.
Noyabrın 20-də KİV-lər ABŞ prezidenti Donald Trampın Ukrayna ilə bağlı planı barədə məlumat yayıblar. Məlumata görə, plan 28 bənddən ibarətdir və Krımın və Donbasın Rusiya Federasiyasının bir hissəsi kimi tanınması, Ukrayna Silahlı Qüvvələrinin sayının məhdudlaşdırılması və Kiyevin NATO-ya üzv olmaqdan imtinası daxildir.
Yeganə
