Macarıstanın baş naziri Viktor Orban hesab edir ki, Avropa Komissiyasının (AK) Kiyevə təklif etdiyi 135 milyard avroluq potensial yeni krediti Avropa ölkələrinin indiki sakinlərinin nəvələri ödəməli olacaqlar.
Busaat.az xəbər verir ki, o, Aİ-nin sadəcə belə pula malik olmadığını iddia etdi.
“Bu gün mövcud olmayan astronomik məbləğ. Bu, sadəcə olaraq, mövcud deyil. Brüsselin “sehrli oyunu” yenidən birgə Avropa krediti olacaq, bu addım hətta bizim nəvələrimizin Rusiya-Ukrayna münaqişəsinin xərclərini ödəməli olacağına zəmanət verəcəkdir”, – Macarıstanın baş naziri qeyd edib.
Orban qeyd edib ki, AK-nin tələb etdiyi və iki il ərzində Kiyevə ayrılması planlaşdırılan məbləğ Macarıstanın illik iqtisadi məhsulunun ən azı 65%-ni və Aİ-nin illik büdcəsinin təxminən 75%-ni təşkil edir.
“Bu, qeyri-mümkündən də artıqdır. Bu, tamamilə absurddur. Macarıstanın cavabı dərhal veriləcək”, – baş nazir əlavə edib.
Yeganə
