Nikol Paşinyanın Rusiya bazasının ölkədə olmasının üstünlük vermədiyi barədə sözləri Kremlə məlum deyil.
Busaat.az xəbər verir ki, bu barədə Rusiya prezidentinin mətbuat katibi Dmitri Peskov məlumat verib.
“Biz hələ də bilmirik ki, o, bu sözləri deyibmi, harada və hansı kontekstdə deyib. Bizdə belə məlumat yoxdur”, – Peskov bildirib.
Qeyd edək ki, bu gün Amerikanın dövri nəşri Ermənistanın baş naziri ilə müsahibə dərc edib.
Müsahibədə o, Rusiya hərbi bazalarının Ermənistanda mövcudluğunu davam etdirməsində heç bir üstünlük görmədiyini deyib.
Paşinyanın sözlərinə görə, Rusiya müttəfiqlik öhdəliklərini yerinə yetirə bilməyib.
Vusal Əlizadə,
Busaat.az
