
Bu gecə göydən ulduz yağacaq: Leonid yağışını harada və neçədə izləyək?
Bu gecə yatmağa tələsməyin. Gecə yarısından sonra göydə meteor yağışı başlayır.
Söhbət Leonidlərdən gedir. Beynəlxalq Meteor Təşkilatının proqnozuna görə zirvə Türkiyə vaxtı ilə 18 noyabr saat 02:43 ətrafında olacaq. Bakı Türkiyədən bir saat irəlidə olduğu üçün bizdə bu, təxminən 03:43 edir.
Nə lazımdır?
Teleskop da, durbin də lazım deyil. Meteorları adi gözlə görmək olur, təki hava açıq olsun və ətrafda şəhər işığı çox olmasın. Yəni Bakının mərkəzindən yox, şəhərdən çıxıb qaranlıq bir yer tapsanız, şansınız artır.
Çox ümid etməyin
Yaxşı şəraitdə saatda 15-ə qədər meteor görmək mümkündür. Bu, göydən daş yağması deyil, gözləyib tutduğunuz parlaq xətlərdir. Leonidlər Yerin 55P/Tempel-Tuttle kuyruklu ulduzunun qoyduğu hissəciklərin içindən keçməsi nəticəsində yaranır.
NASA isə öz təqvimində zirvə gecəsini 16-17 noyabr kimi göstərir. Yəni bu gecə hava tutulsa, sabah gecə də bir şansınız qalır. Yağış noyabrın 30-dək aktivdir.
Çölə isti geyinin. Noyabr gecəsində iki saat başı yuxarı durmaq düşündüyünüzdən çox üşüdür.
Mənbə: Milli Gazete, NASA noyabr gökyüzü təqvimi.























