Lukaşenko Sisini tezliklə Belarusda qəbul edəcəyinə ümid edir

Belarus prezidenti Aleksandr Lukaşenko tezliklə Misir prezidenti Əbdülfəttah əs-Sisini bu ölkədə qəbul etməyi gözləyir.

Busaat.az xəbər verir ki, bu barədə “BelTA” məlumat yayıb.

“Belarus Respublikasına səfər dəvətini qəbul etdiyiniz üçün təşəkkür edirəm. Sizinlə tezliklə görüşməyi səbirsizliklə gözləyirəm və əminəm ki, bu, ikitərəfli əməkdaşlığa və hər iki ölkənin maraqlarına xidmət edən birgə layihələrin həyata keçirilməsinə yeni təkan verəcək”, – Belarus lideri misirli həmkarını ad günü münasibətilə təbrik edib.

Lukaşenko Misir Prezidentinin regional sabitliyin möhkəmləndirilməsinə və Yaxın Şərq və Afrikadakı mürəkkəb böhranların diplomatik həllinə nail olunmasına şəxsi töhfəsini qeyd edib.

O, həmçinin Belarus-Misir münasibətlərinin qarşılıqlı etimad və dostluq əsasında inkişaf etməkdə davam etdiyini vurğulayıb.

“Əməkdaşlığımız sənaye və kənd təsərrüfatından tutmuş təhsilə, elm və texnologiyaya qədər geniş sahələr üzrə dərinləşir”, – o qeyd edib.

Yeganə