“Macarıstan Ukraynanın Avropa İttifaqına (Aİ) daxil olmasını dəstəkləməyəcək və əvəzində onlar arasında strateji tərəfdaşlıq qurmağı təklif edir”.
Busaat.az xəbər verir ki, bunu Macarıstanın baş naziri Viktor Orban Volodimir Zelenskinin Kiyevin Aİ-yə inteqrasiyası ilə bağlı mövqeyinə görə Budapeştə qarşı son hücumlarına cavab olaraq bildirib.
“Prezidentə xatırlatmaq istərdim ki, ölkənin Avropa İttifaqına daxil olması ilə bağlı qərar üzv dövlətlər tərəfindən yekdilliklə qəbul edilir. Bu o deməkdir ki, hər bir dövlətin yeni üzvün qəbulunu dəstəkləmək və ya ona qarşı çıxmaq suveren hüququ var.
Macarıstan Ukraynanın Avropa İttifaqına üzvlüyünü dəstəkləmir və dəstəkləməyəcək, çünki bu, Avropada müharibəyə gətirib çıxaracaq və Macarıstan pullarını Ukraynaya köçürəcək.
Biz inanırıq ki, Avropa İttifaqı Ukrayna ilə Aİ üzvü olmadan strateji tərəfdaşlığa girməlidir. Bu, bizim təklifimizdir. Gələcəkdə də bu mövqeyi qoruyacağıq, çünki buna tam hüququmuz var”, – Orban qeyd edib.
Yeganə
