Mahaçqala hava limanı bağlandı
Mahaçqala hava limanı icazəsiz şəxslərin eniş zonasına daxil olması səbəbindən bağlanıb.
Busaat.az xəbər verir ki, bu barədə Rusiyanın Aviasiya İdarəsi məlumat yayıb.
“Naməlum şəxslərin Mahaçqala hava limanının eniş zonasında peyda olmasından sonra hava limanının müvəqqəti bağlanması qərara alınıb”, – məlumatda deyilir.
Bu tədbirlərin hava limanında vəziyyət normallaşana qədər qüvvədə qalacağı açıqlanıb.
Dağıstanın hüquq-mühafizə orqanlarının sözçüsü TASS-a bildirib ki, etiraz aksiyası fonunda hava limanında polis nəzarəti gücləndirilib.
Qeyd edək ki, ava limanına toplaşan yüzlərlə insan Fələstin-İsrail münaqişəsinə etiraz edib.
Natiq Kərimli,
Busaat.az
