Mahaçqala hava limanı hüquq-mühafizə orqanlarının əməkdaşları tərəfindən hərtərəfli yoxlanışdan sonra açılacaq.
Busaat.az xəbər verir ki, bu barədə Rusiya Federal Hava Nəqliyyatı Agentliyinin məlumatında deyilir.
“Aeroportun açılışı yalnız aerovağzal, aerodrom və ətraf ərazinin hüquq-mühafizə orqanları tərəfindən hərtərəfli yoxlanılmasından sonra baş tutacaq”, – məlumatda bildirilir.
Departament, ilkin olaraq, hava limanının təyyarələri qəbul etmək üçün 31 oktyabr 2023-cü il saat 02-59-a qədər bağlanacağını bildirib.
Qeyd edək ki, Mahaçqalada yerli sakinlər Təl-Əvivdən gələn təyyarənin uçuş-enmə zolağına daxil olublar.
Hadisə yerinə hüquq-mühafizə orqanları gəlib.
Daxili İşlər Nazirliyi kütləvi iğtişaşlarla bağlı cinayət işi açıldığını bildirib. Səhiyyə Nazirliyinin məlumatına görə, hava limanında baş verən hadisələr zamanı 20-dən çox insan – həm təhlükəsizlik qüvvələri, həm də mülki şəxslər xəsarət alıb.
Pəri Əlizadə,
Busaat.az
