Fransa prezidenti Emmanuel Makron beynəlxalq ictimaiyyəti Rusiya prezidenti Vladimir Putinə qarşı maksimum təzyiq etməyə çağırıb.
Busaat.az xəbər verir ki, bu barədə Nyu Yorka rəsmi səfər edən Makron Birləşmiş Millətlər Təşkilatının nüvə təhlükəsizliyi ilə bağlı iclasından əvvəl açıqlamalar edərkən bildirib.
“Təbii ki, Rusiya prezidenti Putinin qismi səfərbərliklə bağlı verdiyi sərəncamı və ölkəsini, ölkəsinin cavanlarını müharibəyə sürükləməsini təəssüflə qarşılayıram”, – deyə Makron Rusiyada elan edilmiş səfərbərliklə bağlı suala cavab verib.
“Artıq heç kim Rusiyanın etdiyi seçimləri anlamır. Ehtiyacımız olan tək şey sülh və atəşkəsdir”, – deyə Makron əlavə edib.
Qeyd edək ki, Sentyabrın 21-i tarixindən etibarən Rusiyada qismən səfərbərlik elan edilib.
Busaat.az
