Makron Sarkozi ilə gizli görüşüb

Fransa prezidenti Emmanuel Makron Liviya tərəfindən maliyyələşdirilən kampaniya işində mühakimə olunduqdan sonra həbs olunmazdan əvvəl Fransanın keçmiş lideri Nikola Sarkozi ilə gizli görüşüb.

Busaat.az xəbər verir ki, bu barədə Fransanın “Le Figaro” qəzeti mənbələrə istinadən yazır.

Nəşrin qeyd etdiyi kimi, bir saatdan çox davam edən görüş Yelisey sarayında baş tutub.

Mənbələrin bildirdiyinə görə, Makron məhkəmənin hökmünü şərh etməkdən çəkinib, lakin birinci instansiya məhkəməsinin qərarından sonra hökmün dərhal icrasının tətbiqi və Sarkozinin həbsə salınması ilə bağlı şübhələrini gizlətməyib.

Aydınlaşdırılır ki, Fransa lideri hazırkı prezidentlərin toxunulmazlıqdan istifadə etdiyini, mandatı başa çatmış şəxslərin isə toxunulmazlığının olmadığını qeyd edib.

Qeyd edək ki, Paris məhkəməsi Sarkozini 2005-2007-ci illər arasında onun seçki kampaniyasını qeyri-qanuni maliyyələşdirməkdə təqsirli bilib. Fransanın keçmiş prezidenti 5 il müddətinə azadlıqdan məhrum edilib. O, oktyabrın 21-də həbsxanaya göndəriləcək.

Yeganə