Pop musiqisinin əfsanəsi olmuş Maykl Ceksonun yetkinlik yaşına çatmamış uşaqlarla münasibətləri haqqında yeni təfərrüatı əks etdirən səs yazıları dərc edilib.
Busaat.az xəbər verir ki, səs yazıları “Wonderhood Studios” studiyasının çəkdiyi “Maykl Cekson: Məhkəmə” adlı çoxseriyalı sənədli filmin treylerində yer alıb.
“Uşaqlar, sadəcə mənə toxunmaq və məni qucaqlamaq istəyirlər. Nəticədə, uşaqlar mənim şəxsiyyətimə aşiq olurlar, bu, bəzən mənə problemlər yaradır”, – Cekson səs yazısında etiraf edir.
Amerikalı ifaçının uşaqlara qarşı cinsi zorakılıq ittihamlarından bəraət almasından bəhs edən çoxseriyalı sənədli film martın 4-dən etibarən “Channel 4” telekanalında yayımlanacaq.
Xatırladaq ki, “popun kralı” 1990-cı illərdə, eləcə də 2005-ci ildə baş tutmuş məhkəmə çərçivəsində dəfələrlə “uşaqlara qarşı uyğun olmayan davranışda” ittiham olunub. Buna baxmayaraq, məhkəmə onun haqqında bəraət hökmü çıxarıb. 2019-cu ildə ABŞ-də ekranlara çıxan sənədli filmdə uşaqlıqda Cekson tərəfindən zorakılığa məruz qaldıqlarını iddia edən iki kişinin hekayələri təqdim edilib. Daha sonra onların iddiaları müğənninin varisləri ilə razılaşma əsasında tənzimlənib.
Qeyd edək ki, 25 iyun 2009-cu səhhəti qəfil pisləşən M.Cekson vəfat edib. Onun ölüm səbəbi ilə bağlı bir çox versiyalar irəli sürülüb.
