Almaniya kansleri Fridrix Merts dekabrın 6-7-də İsrailə səfər edəcək və burada baş nazir Benyamin Netanyahu ilə danışıqlar aparacaq.
Busaat.az xəbər verir ki, bu barədə Almaniya hökumətinin sözçüsü Şteffen Meyer Berlində jurnalistlərə bildirib.
Mertsin Netanyahu ilə görüşü dekabrın 7-nə planlaşdırılıb.
“İkitərəfli münasibətlərlə yanaşı, Qəzzada atəşkəsin daha da sabitləşdirilməsi, eləcə də digər beynəlxalq məsələlər diqqət mərkəzində olacaq”, – Meyer qeyd edib.
Kansler həmçinin Yad Vaşem memorial kompleksini ziyarət edəcək və İsrail vətəndaş cəmiyyətinin nümayəndələri ilə görüşəcək.
Yeganə
