Merts sülh planını xəbərlərdən öyrənib

“Almaniya kansleri Fridrix Merz ABŞ-ın Ukrayna böhranını həll etmək planını və onun məzmununu xəbərlərdən öyrənib”.

Busaat.az xəbər verir ki, bu barədə “The New York Times” (NYT) nəşri yazıb.

Onun sözlərinə görə, kansler Vaşinqtonun sülh planı haqqında ABŞ nümayəndələrindən eşitmək əvəzinə, ilk olaraq xəbər başlıqlarından öyrənib. Bundan sonra onun komandası əlavə dəqiqləşdirmə üçün ABŞ prezidenti Donald Trampla telefon danışığını təmin etmək üçün Amerika tərəfi ilə bir neçə dəfə əlaqə saxlamağa məcbur olub.

ABŞ daha əvvəl Ukrayna üçün 28 bəndlik sülh planı təklif etmişdi. Sənəd Kiyevin və onun avropalı tərəfdaşlarının narazılığına səbəb olub, onlar ona ciddi düzəlişlər etməyə cəhd ediblər. Noyabrın 23-də ABŞ və Ukrayna Cenevrədə sülh planı üzrə məsləhətləşmələr aparıblar. RBC-Ukrayna xəbər agentliyinin məlumatına görə, nümayəndə heyətləri Vaşinqtonun təklif etdiyi proqramın əksəriyyətində razılığa gəliblər, lakin ABŞ prezidenti Donald Tramp və Volodimir Zelenski arasında hələlik tarixi müəyyən edilməmiş görüşdə bir neçə əsas məqam müzakirəyə buraxılıb. Tramp daha sonra plandakı maddələrin sayının 28-dən 22-yə endirildiyini açıqlayıb.

Yeganə