“Müasir dövr Azərbaycan jurnalistikasında yetişmiş, püxtələşmiş qələm sahiblərindənsiniz. Müxtəlif media oqranlarındakı, o cümlədən baş redaktoru olduğunuz Vision Tv- dəki fəaliyyətinizdə media peşəkarlığını, qərəzsizliyivə obyektivliyi rəhbər tutmusunuz, hadisə və proseslərə yanaşmada prinsipial dəst- xəttinizlə seçilmisiniz. Bu xüsusiyyətiniz, peşə tələblərinə həssas yanaşma tərziniz sizə nüfuz qazandırıb. Hesab edirik ki, 50 ilin ən böyük mükafatı budur.”
Bu sözlər Azərbaycan Mətbuat Şurasının tanınmış qələm sahibi, Visiontv.az saytının baş redaktoru Şöhrət El-Dənizin 50 illik yubileyi münasibətilə ünvanladığı təbrik mətnində yer alıb:
“Peşə dəyərlərinə sadiqliyiniz, mövcud istiqamətdəki təəssübkeşliyiniz, təşəbbüskarlığınız ictimai məzmun da daşımaqdadır. Azərbaycan Mətbuat Şurası bu baxımdan ölkə jurnalistlərinin səkkizinci qurultayındakı fəallığınızı, ali məclisin Say Komissiyasının işindəki iştirakınızı yüksək qiymətləndirir. İnanırıq ki, həyatınızın qarşıdakı dönəmində də eyni prinsipləri rəhbər tutaraq fəaliyyət göstərəcəksiniz. Hörmətli Şöhrət müəllim, Sizi bir daha 50 illik yubleyiniz münasibətilə ürəkdən təbrik edir, Sizə möhkəm can sağlığı, yeni – yeni uğurlar arzulayırıq. ”
Şöhrət El Dəniz ( Şöhrət Əliyev Mayil oğlu ) 1972 – ci il oktyabrın 12 – də dünyaya göz açıb. Müxtəlif zamanlarda fərqli media orqanlarında fəaliyyət göstərib. AzTV, “Yeni Azərbaycan” qəzeti, Space TV – də redaktor, aparıcı və müxtəlif verilişlərin müəllifi olub. Hazırda Visiontv.az saytının baş redaktorudur.
