Bu gün UEFA Millətlər Liqasında final mərhələsinə start veriləcək.
Busaat.az xəbər verir ki, A liqasında qrup qaliblərinin iştirak etdiyi “Dördlər finalı”nda İtaliya, İspaniya, Belçika və Fransa yığmaları mübarizə aparacaq.
Yarımfinalın ilk oyununda İtaliya İspaniya ilə qarşılaşacaq. Milandakı “San-Siro” stadionunda oynanılacaq matç Bakı vaxtı ilə saat 22:45-də başlayacaq.
Qeyd edək ki, digər yarımfinal qarşılaşmasında oktyabrın 7-də Belçika və Fransa yığmaları üz-üzə gələcək.
Xatırladaq ki, ikinci dəfə təşkil olunan “Dördlər final”ının ilk qalibi Portuqaliya millisi olub.
6 oktyabr
22:45. İtaliya – İspaniya
Milan, “San-Siro” stadionu
7 oktyabr
22:45. Belçika – Fransa