Moskva görüşündə Rusiyanın əsas məqsədi nədir? - ŞƏRH

“Moskva görüşündə Rusiyanın məqsədi hər zaman olduğu kimi Ermənistan və Azərbaycan arasında olan gündəliyi öz nəzarəti altında və eyni status-kvoda saxlamaqdan ibarət olduğu aydın məsələdir”.

Bunu Ermənistan-Azərbaycan rəsmilərinin Moskvada keçirilən görüşünün nəticələri barədə fikirlərini səsləndirən politoloq Vüqar Əhmədov Busaat.az-a açıqlamasında deyib.

O bildirib ki, Moskva görüşündə ciddi bir irəliləyişin olması gözlənilmir:

“Moskva görüşündə Rusiyanın məqsədi hər zaman olduğu kimi Ermənistan və Azərbaycan arasında olan gündəliyi öz nəzarəti altında və eyni status-kvoda saxlamaqdan ibarət olduğu aydın məsələdir. Son zamanlar Qərbin moderatorluğu ilə aparılan intensiv danışıqlar trafiki Moskvanın vaxtaşırı İrəvanın ipini yenidən əlinə yığmağa və Ermənistana bəzi şeyləri yenidən xatırlatmağa ehtiyac yaradır. Ermənistanın son addımları, Nikol Paşinyanın Qərb platformasında Azərbaycanın ərazi bütövlüyünü tanımasını bəyan etməsi heç də sülhə xidmət etmək deyil, öz ərazi bütövlüyünü qorumağa xidmət edir. Başqa bir dövlətin ərazi bütövlüyünü pozan bir ölkə indi öz ərazi bütövlüyünün hayındadır. Ola bilsin ki, hətta bu dəfəki Moskva görüşündən sonra Qərbin moderatorluğu ilə gedən danışıqlarda intensivlik müəyyən qədər səngisin”.

Ələsgər / Busaat.az