"Moskva həmişə Orbanı görməyə şaddır" - Putin

Rusiya prezidenti Vladimir Putin Macarıstanın baş naziri Viktor Orbanı Moskvada qəbul etməyə hazır olduğunu təsdiqləyib”.

Busaat.az xəbər verir ki, bu barədə “RİA Novosti” məlumat yayıb.

Bişkekdə jurnalistlərin suallarını cavablandıran Rusiya lideri bəyan edib: “Əgər Baş nazir Orban dəvətimizi qəbul etməyi mümkün hesab edərsə, biz həmişə onu görməyə şad olarıq”.

Putin macar həmkarını real vəziyyətə əsaslanaraq mövqeyini formalaşdıran siyasətçi kimi xarakterizə edib.

“O, reallıqları yerdə görən və öz siyasi mövqeyini həmin reallıqlar əsasında formalaşdıran insanlardandır”, – Rusiya prezidenti qeyd edib. O, əlavə edib ki, Rusiya tərəfi Orbanın mövqeyindən xəbərdardır və bunu kifayət qədər obyektiv hesab edir.

Yeganə