Moskvanın Kiyevski vağzalı bomba təhlükəsi ilə bağlı boşaldıldı
Ukraynadan gələn anonim bomba təhlükəsi ilə bağlı Moskvanın Kiyevski vağzalı boşaldılıb.
Busaat.az xəbər verir ki, bu barədə Rusiya Fövqəladə Hallar Xidməti məlumat yayıb.
“Naməlum şəxsdən Kiyevski vağzalında partlayış təhlükəsinin olması barədə xəbər gəlib. Bununla əlaqədar stansiyanın boşaldılması qərara alınıb”, – məlumatda deyilir.
Məlumata görə, mesaj Ukrayna ərazisindən gəlib.
“Hazırda stansiyanın binasında və onun ərazisində partlayıcı əşyalar və partlayıcı maddələrin axtarışı davam etdirilir”, – məlumatda qeyd edilir.
Pəri Əlizadə,
Busaat.az
