Natasa Pirc Musar Sloveniyanın ilk qadın prezidenti olacaq

Vəkil Natasa Pirc Musar Sloveniyada keçirilən prezident seçkilərinin ikinci turunda qalib gələrək ilk qadın dövlət başçısı olacaq.

Busaat.az xəbər verir ki, bu barədə Reuters məlumat yayıb.

Seçki komissiyasının hesablanmalarına görə səslərin 86,7%-nə əsasən 54 yaşlı Pirc Musar ikinci turda səslərin 53,83%-ni, onun rəqibi, sağçı siyasətçi və keçmiş Xarici İşlər naziri Anze Loqar isə 46,17% səs toplayıb. Komissiyanın məlumatına görə seçici fəallığı 49,9% təşkil edib.

Qeyd edək ki, keçmiş teleaparıcı Pirc Musar nüfuzlu hüquqşünas olub, insan haqları, qanunun aliliyi və sosial rifah məsələlərini müdafiə edib.

Busaat.az