"Nə qədər ki, Fələstin əziyyət çəkir..." - Ərdoğan

“İsrailin Fələstini işğalına son qoymadan və 1967-ci il sərhədləri daxilində müstəqil Fələstin dövləti yaratmadan Yaxın Şərqdə sülhün əldə olunması mümkün deyil”.

Busaat.az xəbər verir ki, bunu Türkiyə Prezidenti Rəcəb Tayyib Ərdoğan sədrliyi ilə keçirilən Nazirlər Kabinetinin iclasından sonra xalqa müraciətində deyib.

“Fələstinin işğalına son qoyulmayana və 1967-ci il sərhədləri daxilində Fələstin dövləti qurulmayana qədər bölgədə sülhü təmin etmək mümkün deyil. Nə qədər ki, Fələstin əziyyət çəkir, bölgədə heç bir ölkə özünü təhlükəsiz hiss edə bilməz”, – Ərdoğan bildirib.

Onun sözlərinə görə, Türkiyə Qəzzaya humanitar yardım çatdırmaqda davam edir:

“İsrailin Qəzzaya humanitar yardımın çatdırılması qarşısındakı maneələrinə baxmayaraq, biz onu dəstəkləməyə davam edirik. Humanitar yardım aparan 18-ci gəmi bölgəyə gəlib, 47 yük maşını yardımla Rəfah keçidinə gəlib”.

Çadır düşərgələrində yaşayan Qəzza sakinlərinə təcili yardım etməliyik. Ölkəmizdən Qəzzaya konteynerlərin göndərilməsi oradakı vəziyyəti asanlaşdıracaq”, – Ərdoğan bildirib.

Yeganə