Novayaepoxa.com və Yenicag.info saytları 8 yaşında
“Yeni Çağ” Media Qrupuna daxil olan Yenicag.info (Türkiyə türkcəsi) və Novayaepoxa.com (Rusca) saytlarının qurulmasının 8-ci ildönümüdür.
Busaat.az xəbər verir ki, 2017-ci ildə qurulan saytlar ötən 8 il ərzində ölkəmizdə və dünyada baş verən xəbərləri rus və türk dillərində geniş oxucu kütləsinə çatdırıb.
Xüsusilə türk dünyasından olan xəbərlərə böyük əhəmiyyət verən “Yeni Çağ” Media Qrupu Türkiyə, Qazaxıstan, Özbəkistan başda olmaqla, bir sıra ölkələrin aparıcı xəbər saytları ilə imzaladığı ikitərəfli anlaşmalarla dəqiq xəbərlərin istinad nöqtəsi olub.
Vətən müharibəsi dönəmində informasiya savaşında böyük işlər görən Yenicag.info və Novayaepoxa.com saytları Azərbaycan həqiqətlərinin dünyaya çatdırılmasında müstəsna rol oynayıb.