“Markovun bu iddiları həm də rusiyanın təbii ki, prosesi istəməməyinin göstəricilərindən biridir. Rusiya həqiqi mənada Ermənistandakı bu hərəkətlənmələri əsla qəbul etmir”.
Bunu Rusiyalı politoloq Sergey Markovun Ermənistanda fəaliyyətə başlayan Avropa Missiyanın heyətinə erməniəsillilərin daxil edilməsinin gələcəkdə ədalətsizliyi ortaya qoyacağı haqqında açıqlamasına münasibət bildirən politoloq Tural İsmayılov Busaat.az-a açıqlamasında deyib.
O, bildirib ki, rusiyalı politoloq Sergey Markovun açıqlaması çox ciddi məsələni ortaya qoyub:
“İlk günlərdən azərbaycanlı ekspertlər də vurğulayıb ki, Avropa Missiyası adı altında bugün Ermənistan ərazilərində Qərbin casus şəbəkəsi at oynadır. Fransız xəfiyyələrindən və alman polisindən sonra indi də Avropa Missiyası heyyətinə erməniəsillilərin daxil edilməsi bu missiyanın çirkin niyyətlərini növbəti dəfə ortaya qoymuş olur. Markovun bu iddiları həm də rusiyanın təbii ki, prosesi istəməməyinin göstəricilərindən biridir. Rusiya həqiqi mənada Ermənistandakı bu hərəkətlənmələri əsla qəbul etmir. Avropa İttifaqı missiyası adı altında Ermənistana gələn qrupun əsas məqsədinin Ermənistan ərazilərində Rusiyaya qarşı kəşfiyyat-pozuculuq fəaliyyəti olduğunu yaxşı dərk edir. İstənilən halda Markovun iddiasının həqiqiliyini araşdırmaq lazımdır. Məsələ real olarsa onların gələcəkdə hazırlayacağı “hesabat”larla bağlı biz hər zaman aktiv şəkildə özümüzü müdafiə etməli və bugün avropa missiyasının heyyəti içərisində erməniəsilli şəxslərin olması məsələsini xüsusi qabartmalıyıq”
Ələsgər / Busaat.az
