" "Oreşnik" tezliklə döyüş növbətçiliyinə keçəcək" - Lukaşenko

Belarus prezidenti Aleksandr Lukaşenko dekabr ayında “Oreşnik” raket sistemini döyüş hazırlığı vəziyyətində yerləşdirmək planlarını təsdiqləyib.

Busaat.az xəbər verir ki, o, bu barədə Vitebsk vilayətinə işgüzar səfəri zamanı bildirib.

“Oreşnik dəhşətli silahdır. Dekabrda döyüş hazırlığı vəziyyətinə gətiriləcək. Nə məqsədlə? Mən istəyirəm ki, onlar (xarici rəqiblərimiz) başa düşsünlər ki, iş çətin olarsa, biz yola düşə bilərik. Putinlə oturub qərar qəbul edib yola düşəcəyik. Ona görə də problemə düşməyin. Axı Ukraynada müharibə belə başladı. Donbasda rusca danışanları təqib etdilər, öldürdülər, təzyiqlərə məruz qaldılar. Bu, mənim gözümün qabağında oldu”.

O, xatırladıb ki, Minskdə vaxtilə sülh razılaşmaları əldə olunub, lakin opponentlər aldatma yolu ilə hərəkət etmək qərarına gəliblər ki, bu da indiki vəziyyətə gətirib çıxarıb: “Belə çıxır ki, onlar razılaşmayıblar. Belə çıxır ki, onlar Minskə Rusiyanı və bizi aldatmaq üçün gəliblər. Bizi aldadıblar. Artıq iki milyon insan ölüb, ukraynalılar şikəst olub”.

Yeganə