Pakistan ABŞ-dan neft alıb - İlk dəfə...
Pakistan hökumətlərarası ticarət sazişi çərçivəsində ABŞ-dan “West Texas Intermediate” (WTI) yüngül xam neftin üç göndərişindən birincisini alıb.
Busaat.az xəbər verir “Dawn”-ın məlumatına görə, nefti Pakistanın neft emalı şirkəti “Cnergyico PK” amerikalı treyder Vitoldan alıb.
Pegasus tankeri Pakistanın xam neft idxalının şaxələndirilməsində mühüm mərhələni qeyd edərək, Kəraçi limanına (Bəlucistan əyaləti) bir milyon barel neft çatdırdı və onun ABŞ ilə ticarətini artıracağı gözlənilir. Əvvəllər İslamabad karbohidrogenləri ilk növbədə Yaxın Şərqdən idxal edirdi.
1 milyon barellik ABŞ xam neftinin ikinci tədarükünün noyabrın ortalarında, üçüncünün isə 2026-cı ilin əvvəlində həyata keçirilməsi planlaşdırılır. Bu neft tədarüklərinin Pakistanın ABŞ ilə ticarət balansını ümumilikdə təxminən 200 milyon dollar yaxşılaşdıracağı gözlənilir.
Neft tədarükünə dair razılaşma Pakistan və ABŞ arasında aprel ayından bəri davam edən danışıqlardan sonra iyunun 30-da əldə edilib. Bu danışıqlar ABŞ prezidenti Donald Trampın Pakistan idxalına 29% rüsum tətbiq edəcəyi ilə hədələməsindən sonra başlayıb.
Bununla əlaqədar Pakistanın Maliyyə və Neft Nazirliyi yerli neft emalı zavodlarını Amerika xam neftinin idxalını nəzərdən keçirməyə çağırıb.
Neft Pakistanın əsas idxalıdır. 2024-2025-ci maliyyə ilində (iyun ayında başa çatıb) bu əmtəə üçün 11,3 milyard dollar və ya İslam Respublikasının ümumi idxalının təxminən beşdə biri ayrılıb.
Yeganə
