“Paşinyanın həm ordunun, həm də təhülkəsizlik orqanlarının daxilində beşinci kolonun olması ilə bağlı verdiyi mesajlar aktualdır”.
Bunu bir müddətdir Paşinyanın gücləndirilmiş mühafizə ilə hərəkət etməsi barədə fikirlərini səsləndirən politoloq Tural İsmayılov Busaat.az-a açıqlamasında deyib.
O bildirib ki, Paşinyan öz təhülkəsizliyinə güvənmir, çünki hazırda Paşinyana qarşı Ermənistanda yeni cəbhələrin mübarizəyə başladığı açıq-aydın görünür:
“Belə olduğu halda xalqa və siyasi qüvvələrə güvənsizlik problemin dərinləşməsinə səbəb olur. Bugün Ermənistanın həm hərbi, həm də hüquq-mühafizə sistemində çox ciddi problemlərin olduğunu Paşinyan özü də etiraf edir. Bu səbəbdən o, öz təhlükəsizliyinə tam əmin ola bilmir”.
“Yaxın bir neçə gündə Paşinyanın şəxsi təhlükəsizlik qüvvələrinin sayı da kifayət qədər artıb. Bu Paşinyanın öz yaxın adamlarına, hətta baş nazirin şəxsi təhlükəsizlik xidmətinə belə güvənmədiyini söyləməyimizə əsas verir. Eyni zamanda baş nazirin həm ordunun, həm də təhülkəsizlik orqanlarının daxilində beşinci kolonun olması ilə bağlı verdiyi mesajlar da çox aktualdır. Bütün bu faktorları nəzərə alsaq bugün Ermənistan Baş naziri həm Ermənistan dövləti üçün, həm də özünün şəxsi təhlükəsizliyi üçün çox ciddi formada narahatdır. Prosesin bu şəkildə davam etməsi Ermənistanın daxilindəki ixtilafları daha da gücləndirir”, – politoloq qeyd edib.
Ələsgər / Busaat.az
