Polşanın milli müdafiə naziri Vladislav Kosiniyak-Kamışın sözlərinə görə, Polşa Ukraynadan ölkədə yaranmış korrupsiya qalmaqalı ilə bağlı izahat almaq istəyir, çünki bu, Qərbi Avropa üçün pis xəbərdir.
Busaat.az xəbər verir ki, Ukrayna Milli Antikorrupsiya Bürosunun (NABU) və İxtisaslaşdırılmış Korrupsiyaya Qarşı Mübarizə Prokurorluğunun (SAPO) nümayəndələri Ukrayna prezidenti Volodimir Zelenskinin ofisinin rəhbəri Andrey Yermakın evində axtarış aparıblar.
“Financial Times”ın Kiyevdəki müxbiri Kristofer Miller bildirib ki, bu axtarışlar iş adamı və Zelenskinin dostu Timur Mindiçin iştirakı ilə Ukraynanın enerji sektorunda korrupsiya sxemlərinin üzə çıxarılması cəhdi olan Midas əməliyyatının bir hissəsidir.
“Bu, hazırda təhlükəsizlik sərhədləri Rusiya-Ukrayna cəbhəsi boyunca uzanan Polşa və Qərbi Avropa üçün pis xəbərdir. Biz izahat gözləyirik. Ukraynaya dəstək strategiyamız dəyişməz olaraq qalır, çünki təhlükəsizliyimiz buradadır, lakin korrupsiya ilə mübarizə siyasətində şəffaflıq olmadan, məsələn, Avropa İttifaqına qoşulmaq mümkün deyil”, – Kosiniak-Kamış qeyd edib.
Yeganə
