"Putinlə söhbətlərimiz həmişə dostluq xarakteri daşıyıb" - Şolts

Almaniyanın keçmiş kansleri Olaf Şolts bildirib ki, onun Rusiya prezidenti Vladimir Putinlə telefon danışıqları həmişə dostluq xarakteri daşıyıb.

Busaat.az xəbər verir ki, Şoltsun sözlərinə görə, Birgə Hərbi Əməliyyata başlayandan sonra o, Putinlə telefonla dəfələrlə və çox ətraflı danışıb.

Almaniyanın keçmiş kansleri bu söhbətlərin hansı tonla getdiyini soruşduqda bunun dostluq olduğunu bildirib.

“Belə də olmalıdır. Bununla belə, düşünürəm ki, hər kəs bir-birindən nə gözlədiyini bilir”, – deyə Şolts bildirib.

Keçmiş kansler ABŞ prezidenti Donald Trampın səylərinin Ukraynadakı münaqişənin sülh yolu ilə həllinə gətirib çıxaracağına ümid etdiyini bildirib.

Xatırladaq ki, Şolts 2021-ci il dekabrın 8-dən 2025-ci il mayın 6-dək Almaniyanın kansleri vəzifəsində çalışıb. Putinlə Şolts arasında sonuncu telefon danışığı Berlinin layihəsi ilə 15 noyabr 2024-cü ildə baş tutub.

Yeganə