"Qarabağ"ın oyunu təxirə salındı
Misli Premyer Liqasının I turu çərçivəsində keçirilməsi nəzərdə tutulan “Sabah” – “Qarabağ” oyunu təxirə salınıb.
Offsideplus.az xəbər verir ki, komandaların rəsmi görüşləri arasında minimum 48 saat vaxtın qorunması ilə bağlı beynəlxalq oyun qaydalarına əsasən matç baş tutmayacaq.
Qeyd edək ki, sözügedən qarşılaşma avqustun 17-i saat 18:30-da keçirilməli idi. “Sabah” 14 avqust saat 20:00-da Konfrans Liqasının III təsnifat mərhələsi çərçivəsində “Levski” ilə üz-üzə gələcək.
