Qaraçay-Çərkəzdə Fələstinə dəstək aksiyasından sonra 34 nəfər saxlanıldı

Qaraçay-Çərkəzdə icazəsiz mitinqdə iştirak etdikləri üçün 30-dan çox adam polis tərəfindən saxlanılıb.

Busaat.az xəbər verir ki, bu barədə Daxili İşlər Nazirliyi məlumat yayıb.

Etirazçıların qanunsuz hərəkətlərinin qarşısı polis tərəfindən tərəfindən alınıb. 34 nəfər Rusiya Daxili İşlər Nazirliyinin Çerkessk üzrə şöbəsinə aparılıb, onlara qarşı inzibati protokollar tərtib edilib.

Saxlanılan şəxslərə icazəsiz kütləvi tədbirlərdə iştiraka görə inzibati və cinayət məsuliyyətinə cəlb olunmaları barədə xəbərdarlıq edilib.

Məlumata görə, məhbuslar bir gün əvvəl keçirilən Fələstinə dəstək aksiyasında iştirak ediblər. Polisin hesablamalarına görə, aksiyada 80 nəfər iştirak edib.

Pəri Əlizadə,
Busaat.az