“Qazprom” sərmayələri bazardakı vəziyyətin dəyişməsi səbəbindən azaldır

Qazprom 2023-cü il üçün korporativ investisiya proqramını makroiqtisadi göstəricilər və bazar konyukturasının dəyişməsi səbəbindən 2,3 trilyon rubldan (24,5 milyard dollar) 1,996 trilyon rubla (21,3 milyard dollar) endirib.

Busaat.az xəbər verir ki, bu barədə “Qazprom”dan məlumat verilib.

“Biz 2023-cü ilin birinci yarısında qazın bazar qiymətlərinin aşağı düşməsi ilə əlaqədar olaraq yeni büdcə variantında qaz satışından gəlirlərin azaldılmasını nəzərdə tutmuşuq. Makroiqtisadi göstəricilərdəki dəyişikliyi və bazar konyukturasını nəzərə alaraq, investisiya proqramı 334 milyard rubl (3,6 milyard dollar) azaldılıb”, – deyə “Qazprom”un baş direktorunun müavini Famil Sadıqov bildirib.

“Biz əsaslı xərclərin tarazlaşdırılması üçün böyük səy göstərmişik. Qeyd etmək istərdim ki, biz əsas layihələrin ardıcıl icrasını davam etdiririk”, – deyə Sadıqov əlavə edib.

Vüqar Əlizadə,
Busaat.az