Qərb Ermənistanın baş nazirini KTMT-dən çıxmamağa çağırır - Hraparak

Ermənistan-Rusiya münasibətləri yenidən gərginlik mərhələsinə daxil olub.

Busaat.az xəbər verir ki, bunu Ermənistan Respublikasının gündəlik “Hraparak” qəzeti yazır.

“Siyasi dairələr bu gərginlikdən narahatdırlar; belə bir vəziyyət 2020-ci il müharibəsindən əvvəl mövcud idi” – deyə, qəzet qeyd edib.

Yeri gəlmişkən, Ermənistan hakimiyyətinin bəzi mənbələri iddia edir ki, baş nazir Nikol Paşinyan Rusiya prezidenti Vladimir Putinə ultimatum verib ki, ya Laçın yolunu yenidən açırlar, ya da Ermənistan KTMT və Aİİ-ni tərk edəcək.

Bununla belə, ARMENPRESS-in mənbələri agentliyə bildirib ki, Paşinyan ötən həftə Cermuk şəhərində səfirlər ilə görüşündə etiraf edib ki, Fransa prezidenti Emmanuel Makron ona KTMT-dən çıxmamaq barədə xəbərdarlıq edib. Makron etiraf edib ki, onlar Ermənistanın qarantı rolunu öz üzərilərinə götürə bilməzlər. Məlumata görə, ABŞ-lı diplomat Lilit Makunts əlavə edib ki, ABŞ dövlət katibi Antoni Blinken də belə bir nəsihət verib.