"Qəzza zolağı 61 milyon ton dağıntı ilə örtülüb" - UNRWA

Birləşmiş Millətlər Təşkilatının Fələstinli Qaçqınlara Yardım Agentliyi (UNRWA) İsrailin hücumları nəticəsində Qəzza zolağının 61 milyon ton dağıntı ilə örtüldüyünü açıqlayıb.

Busaat.az xəbər verir ki, UNRWA-nın ABŞ-da yerləşən X şirkətinin sosial media platformasındakı bəyanatında İsrailin iki ildir bombaladığı və blokadada saxladığı Qəzza zolağında baş verən dağıntılar vurğulanıb.

İsrailin Qəzzada törətdiyi dağıntıları əks etdirən video paylaşan UNRWA, Qəzza zolağının geniş əraziləri əhatə edən 61 milyon ton dağıntı ilə örtüldüyünü bildirib.

Yazıda İsrailin Qəzza zolağına davam edən hücumları nəticəsində bəzi məhəllələrin tamamilə dağıdıldığı vurğulanıb və qeyd edilib:

“Fələstinli ailələr hələ də İsrailin humanitar yardımı məhdudlaşdırmaqda davam etdiyi Qəzza zolağında dağıntılar arasında sığınacaq və su tapmaqda çətinlik çəkir”.

Açıqlamada UNRWA qruplarının İsrailin məhdudiyyətlərinə baxmayaraq Qəzza zolağında həyat xilasedici yardımlar təmin etmək üçün çalışdıqları vurğulanıb və çətin şərtlərə baxmayaraq Qəzzadakı işlərinin davam edəcəyi qeyd edilib.

İsrailin Qəzza zolağına 8 oktyabr 2023-cü ildə başlayan hücumlarında 68 min fələstinli həyatını itirib, 170 min 373 nəfər isə yaralanıb.

Qəzza zolağında minlərlə ölülərin dağıntılar altında qaldığı bildirilir.

Yeganə