Qətər vasitəçi ölkələrin Qəzzada əldə olunan atəşkəs razılaşmasının ikinci mərhələsinə keçmək üçün çalışdıqlarını açıqlayıb.
Busaat.az xəbər verir ki, Qətər Xarici İşlər Nazirliyinin sözçüsü Məcid əl-Ənsari Dohada keçirdiyi mətbuat konfransında, “Qəzzada həyəcan verici bir sürətlə pozulan mövcud atəşkəsin dağılmasının qarşısını almaq üçün vasitəçilik səyləri davam edir” ,-deyə qeyd edib.
Ənsari Qəzza atəşkəs razılaşmasının hər pozulmasının razılaşma üçün təhlükə yaratdığını və onun effektivliyini azaldacağını qeyd edərək, atəşkəs razılaşmasının qüvvədə olduğunu və bunun üzərində qurulduğunu bildirib.
Ənsari vurğulayıb ki, vasitəçilər atəşkəs razılaşmasının ikinci mərhələsinə keçmək üçün çalışırlar.
Oktyabrın 10-da Qəzzada əldə olunan atəşkəs razılaşmasının birinci mərhələsinin əsas müddəaları arasında qarşılıqlı əsir mübadiləsi, İsrail ordusunun Sarı Xəttdən çıxarılması və Qəzzaya hər gün təxminən 600 yardım maşınının daxil olması daxildir.
Razılaşmanın ikinci mərhələsinin ən mühüm müddəası Qəzzanın yenidən qurulması ilə bağlıdır. İsrail isə ikinci mərhələ başlamazdan əvvəl Qəzzadakı bütün məhbusların təhvil verilməsini tələb edir. Sağ qalan bütün məhbuslar təhvil verilsə də, İsrail iki məhbusun cəsədinin Qəzzada qaldığını bildirir.
İsrail məhbusların cəsədlərinin Qəzzaya çıxarılması üçün lazım olan ağır texnikanın girişini kəsməklə, bölgədə yenidənqurma prosesinin başlanmasına da mane olur.
Yeganə
