Qəzzada ölənlərin sayı 69 185 nəfərə çatıb
Qatil İsrail ordusunun Qəzza zolağında 2023-cü ilin oktyabrında başlayan hücumları nəticəsində ölənlərin sayı 69 185 nəfərə çatıb.
Busaat.az xəbər verir ki, Qəzzada Səhiyyə Nazirliyi İsrailin hücumlarında ölənlərlə bağlı son məlumatı paylaşıb.
Açıqlamada son 24 saat ərzində dağıntılar altından 3 cəsədin çıxarıldığı, 4 yaralının isə xəstəxanaya aparıldığı bildirilib.
Atəşkəs qüvvəyə mindiyi vaxtdan 245 nəfər həlak olub, 627 nəfər yaralanıb, dağıntılar altından 532 nəfərin cəsədi çıxarılıb.
2023-cü ilin oktyabrından bu yana İsrailin hücumları nəticəsində ölənlərin sayının 69 185 nəfərə, yaralıların sayının isə 170 698 nəfərə yüksəldiyi bildirilib.
Qəzza zolağında atəşkəsə baxmayaraq, İsrail ordusu müxtəlif bəhanələrlə fələstinlilərə tez-tez hücum etməkdə davam edir.
Yeganə
