İsrail ordusunun Qəzza zolağına hücumları nəticəsində ölənlərin sayı son 24 saatda 17 nəfər artaraq 69 775 nəfərə çatıb.
Busaat.az xəbər verir ki, Qəzza Səhiyyə Nazirliyi İsrailin hücumları nəticəsində ölən və yaralananlar, həmçinin dağıntılar altından çıxarılan cəsədlərlə bağlı son məlumatlarla bağlı yazılı açıqlama yayıb.
Bildirilib ki, son 24 saat ərzində dağıntılar altından 14-ü çıxarılan 17 fələstinlinin cəsədi, 16 yaralı isə xəstəxanalara çatdırılıb.
Atəşkəsin qüvvəyə mindiyi vaxtdan 345 nəfər həlak olub, 889 nəfər yaralanıb, dağıntılar altından 588 cəsəd çıxarılıb.
İsrailin Qəzza zolağına 2023-cü ilin oktyabrında başlayan hücumları nəticəsində ölənlərin sayı 69 min 775-ə, yaralıların sayı isə 170 min 965-ə yüksəlib.
Yeganə
