Qrossi Putinin ideyalarından birini dəstəkləyib 

Beynəlxalq Atom Enerjisi Agentliyi (MAQATE) Rusiya prezidenti Vladimir Putinin sənədin müddəti bitdikdən sonra bir il ərzində sazişin müddəalarına əməl olunmasını nəzərdə tutan Yeni START Müqaviləsinə dair təklifini dəstəkləyir.

Busaat.az “Reuters”ə istinadən xəbər verir ki, bu barədə təşkilatın direktoru Rafael Qrossi bildirib.

“Nüvə silahları sahəsində sülh və sabitlik üçün istənilən səylər müsbət səylərdir. Lakin qərar ABŞ və Rusiya Federasiyası tərəfindən verilməlidir”, – deyə Qrossi qeyd edib.

Putin daha əvvəl bəyan etmişdi ki, Rusiya 2026-cı il fevralın 5-də sənədin müddəti bitdikdən sonra Strateji Silahların Azaldılması Müqaviləsi (START, START-3) üzrə kəmiyyət məhdudiyyətlərinə könüllü şəkildə əməl etməyə hazırdır. Öz növbəsində Ağ Evin mətbuat katibi Karolin Levitt bəyan edib ki, ABŞ prezidenti Donald Tramp Vladimir Putinin Yeni START müqaviləsi ilə bağlı təklifini nəzərdən keçirib.

Yeganə